[المحترف العبسي]

السلام عليكم ورحمة الله وبركاته

إليكم المحاوره من حفل زواج الشيخ احمد عماش العويمري 4/10/1432

زايد ابن عدله
يامرحبا في حفل شيخً من شيوخً بالشداد=في حفل ابن عماش شيخ المرجله وإمامها
اخس قومً حطها الله بالجزيره قوم عاد=الشر يمشي خلفها والخوف من قدامها

نواف زاكي
دام البقاء والله يبارك فيك والعلم الوكاد=كل الجماعه ماتنزل باللزوم اعلامها
انته تصفق للنصر والا رموز الاتحاد=خلك على الاسلام والعالم تعز اسلامها

زايد ابن عدله
القدس له خمسين عامً بالمعارك والجهاد=وانته يابن حامد تصلّح لليهود اصنامها
اهم شيء اني مع السكه على ممشى ركاد=ماهمني لوزعلت الاكراد من صدامها

نواف زاكي
الزمل موجوده وحملها يابن عدله عتاد=نواف مايطلع عن الديره ولا حكامها
الظاهر انك بعد بكره داخل السجن انفراد=الكامره صورتك موجوده بوسط افلامها

زايد ابن عدله
هالحين اعيّد فيك يانواف بأيام العياد=لو قام عيد عبيد عن ذاكر يعد ارقامها
اليا دخلت السجن في سبتك يازين الرقاد= ابى اهتني في ليلةً بالعمر مع خدامها

نواف زاكي
ماني خروفً تذبحه في موس والا في زناد=اللي مثل شرواك لا جينا كسرنا عظامها
ياشين بعض الهرجه اللي لا بذار والا حصاد=ام الكباير في كلامه كذ قلبت ارحامها

زايد ابن عدله
عمره وصل خمسين لا خلّد بيوت والا استفاد=واللي مثل شرواه لاجينا كتمنا انسامها

الموضوع الأصلي: طاروق حامي بين الشاعرين المبدعين الشاعر زايد ابن عدله والشاعر نواف زاكي | | الكاتب: المحترف العبسي | | المصدر: شبكة بني عبس