[بندر بن صبح]

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]
البارحة نوم عيني عارض خمه=مانمت كل النجوم اصبحت اراعيها
ماغير اهوجس بوقت ياثقل همه=خلا بقلبي جروح مير كاميها
واسندت هجسي وشوحي عالي زمه=للي ليا كبرت القالات يحميها
سلام يامعرب من خاله وعمه=قرم جميع الخصال الجزل حاويها
المرجله والوفاء تجري وسط دمه=خصايل من جليل الملك معطيها
لازمك لامن نصيته تمه وتمه=حاجتك عنده على حاجته يبديها
ماهوب مثل الذي راسه وسط كمه=خشه علشان ماياخذ ويديها
اطيب فعوله قصيده في بني عمه=بالسب والشذب يبعدها ويدنيها
كرس تفاكير شعره ثم نثر سمه=باابياته اللي يسرحها ويضويها
وياملفي اسفه ضعيف ماهرج فمه=كلمة وفاء باول الدنيا وتاليها
الناس فيها قداه ومفخت يمه=والرابح اللي صلاة الله يصليها

[/poem]

الموضوع الأصلي: البارحة نوم عيني عارض خمه | | الكاتب: بندر بن صبح | | المصدر: شبكة بني عبس