[عبدالله عواد]

السلا عليكم
بمناسبة تغيير اللقب من لمّاح
إلى الأسم الحقيقي
أتيت لكم بهذه القصيدة وإن شاء الله بتعجبكم

ناسك يقدرونك بس أنا غيـر ناسـك
بس انا اللي تحاشاك ووقع عـاد فيـك

والله أني أحبك لـو خـذاك التباسـك
قلبي اللي نصـاك وبالغـلا مشتريـك

كل عذرى(ن) بعيني ماتسـاوي مداسـك
كل حبٍ قبل عرِفك غدا قبل أجيـك

أترقب حضورك وأنتظر مـد كاسـك
و أن حضرت أتثيقل كن ماعدت أبيك

أتعبتني مشاعر روح عانـت مِراسـك
كل ماقلت حبـي وهـم أرد أبتديـك

والله أني لو العب غير لا أجيب راسـك
بس راسي عزيز ولا أقدر أضحك عليك

شاعر وقلبي أكبر منك ماهو مقاسـك
سامح الله غـلاه وسلـم الله يديـك

عبدالله عواد

الموضوع الأصلي: شاعر وقلبي أكبر | | الكاتب: عبدالله عواد | | المصدر: شبكة بني عبس