[طيوووف !!]

نامت عيون الناس في تالي الليل
و أنا عيوني بالليالي سهيره
أشوف برقٍٍٍٍ بالسما وانطر أسهيل
وراقب النجوم السما وأستخيره
الوالي اللي نجا موسى على النيل
الوالي اللي حافظٍ كل ديره
ظبيٍ سلب عقلي وسير لي السيل
حتى جرا في دمي العشق سيره
وأصبحت اهوجس وتغنى من الويل
يالله خيره ثم يالله خيره
ولاني بعشاقٍ ولا راعيٍ ميل
مثل الرخوم اللي ورا من يجيره
انا احمد الله فارسٍ وانشد الخيل
يوم المعارك تلتحم مستديره
مير البلا بالقلب معنى وتفصيل
كم عذب الفرُيس ودمى ضميره
من نظرةٍ فالعين طايح ولا شيل
أيدي ورجلي والعقل طار طيره
هذاك راح وخل فالقلب لي ويل
نكس حكوماتٍ ونصب عشيره
وصوت منادي للفجر تالي الليل
وأنا عيوني بالليالي سهيره ...