لحدن ٍ يحاكيني ترى الخاطر اقصاه
والدمع ياقلب العنا مايطيبك
حتى لو ابكي وش ورى دمعي و ماهـ
ويلي علي ادري ويش قلبي يبي بك
تطري علي والقلب ماجاه كفاه
غايب ولكن غيبتك ماتغيبك
خذيت تلفوني القديم اتقراه
الين فاحت شاشته ريح طيبك
رقمك، مسجاتك ، وصوتك وطرياه
كن الطيوف اقبال عيني تجيبك
لابوك يالتلفون ماتسمع الآآه
في ذمتي انك صدق ضيعتني بك
متعومسْ الخاطر وياقلب ويلآآه
ماقد ذبحني الا سكوتك وطيبك
والا انت يا لاهي ولا ادري وش ألهآه
طف ِ بوصالك مابقى من لهيبك
ياحبك لقطع المواصيل حباه
قطعت قلبي منك لا قطع صيبك
وسويت فيّ اللي سواتك ماسواه
واتحملك مهما جرى و ارتضي بك
ياذابحي ياصبر ذا القلب صبراه
ذبحته بكفك وهو ملتجي بك
بتروح..؟ روح و دربك الله يرعاه
لو ابغى اجيبك اعرف وشلون اجيبك
در في ثرى الدنيا و مثلي ماتلقاه
تبطي عظم ماشفت زولن يذيبك
حظ الهوا اللي اتعيش به بس حظاه
لانه الوحيد اللي قدر يختلي بك
آدرى عليك من الهوا و اتحاشاه
واروف بك و اهيم بك و اعتني بك
لانك سحاوي و السحى يكسر اجباه
وشلون ماتبغي الهوا يستحيبك
عيبي احبك لو غرامك معاناه
وانت الغياب اللي بلا عذر عيبك
اضيق من جفواك و اجره آآآآآهـ
اخاف من غدر الزمان يغدي بك
لو انك تدري خاطري عقبك اش جاه
يمكن تنوح الليل و اتطر جيبك
هملتني..! بين الامل و المحاتاه
مدري عدوك صرت ولا حبيبك!!
لحمدالبريدي...