[ساره الرشيدي]

في كل قصة حب أحلام ومدينة ..
ليل ونخيل وهبوب ..
لكل قصة حب لو كانت حزينه ..
أجمل ألوان الغروب ..
ناظري ضي الحوانيت القديمه ..
ونقش أبواب البيوت ..
كلها شعر ومواعيد قديمه ..
وصوت قلبي اللي يموت وما يموت ..
لكل قصة حب عذال وحسود ..
ليه تخدعنا الأماني والليالي السود سود
إشعلي جمر العناد قربي معاد أشوفك ..
لا يفرقنا السواد ..
ارسمي وجهي بكفوفك ..
ولا تجرحنا عيون الليل وحروف النميمه
ولا يعذبنا السكوت ..
إن عطشنا أو شربنا الدمع ديمه ..
للهوى بنحيا ونموت ..
لكل قصة حب أشواك ورود ..
وليه نصرخ من ألمها وكلها تنبت في عود ..
ناظري هذا قمرنا لو تغطيه الغيوم ..
وناظري هذا شجرنا مهما تحرقه السموم ..
ولو تجرحنا عيون الليل وحروف النميمه ..
ولو يعذبنا السكوت ..
إن عطشنا أو شربنا الدمع ديمه ..
للهوى بنحيا ونموت