على رسلك ابقول الكلام اللي بعد مـا انقـال
بعد قوس الكلام اللي قزح قوّس قزح ثاني !!
على رسلك تغنين الغموض ويطـرب المـوال
نبت تحت الغموض من الوضوح السان يحداني
على رسلك على رسل الفهم والشك والأمـال
على رسل السهر والصبر والتلميح يقراني !!
اعرف ان الحروف ابذور وانك يا لكلام أجيال
كلامك جيل فسنين الغموض بحكـم سلطانـي
ابقلب صفحة الشك المريب وبشرب الفنجـال
وابقرالك غموضك كيف وضح كـل الألوانـي
أكيد إنك عرفتي من أكون ولا بعدهـا اجـدال
وأكيد إني عرفتـك ثـم دوزنتـك فالألحانـي
توقدتي,, تجمرتي,, ترمدتي ,, على أية حـال
هذا قوس الكلام اللي قزح قوّس قزح ثاني !!