يا اللي بدعت القوافي غنهـا هـات هـات
عرضه ومسحوب وهجيني ورجز وطويـل
وألا صخري مع مديد وهزج عذبٍ ثبـات
وعلى الحداء والبسيط الشعرهاتـه جزيـل
من غيض ولا من الفيـظ انقشـة بالصفـاة
خله ينومسك وافطـن لا تجيـب الهزيـل
والفكر دايـم خيولـه للطلـب مسرجـات
في الصدر لادق هاجوسه يجيلـه صهيـل
اطرب مسامع هل الـذوق الرفيـع الهـواة
والناقد الـي درس علـم اللغـه فالخليـل
وارق بسمـو الفكـر فـي قمـة النايفـات
وغرس ورود المعانـي واسقهـا سلسبيـل
اقطف ثمار الادب مـادام اهـي يانعـات
وانثر عبير المشاعر في زمنهـا الجميـل
عالـج قضايـا تهـم المجتمـع مبهمـات
واشرح برؤيتـك يالشهـم الكريـم النبيـل
عن واقـع فيـه ياكثـر الفتـن والشتـات
وفيه المبـادي تغيـر بيـن جيـل وجيـل
واهل القلوب الخضرعطهم دروس وعضات
واعزف لهم لحن يشفي كـل قلـبٍ عليـل
ارسم على صفحـة التاريـخ بالمفـردات
اجمل معاني حروف الشعر قبـل الرحيـل
راقـــــــت لي