يا رحلة العمر ما شـيٍ يصبرنـا؟
يا طول ليل الأسى بالعمر يا طوله!
القلب يطوي شجون الهم مسهرنـا
والعين تسهد وهي بالحزن مكحوله
اليا سلكنا دروب الخيـر تقهرنـا
ايدين فيها سيوف الشـر مسلولـه
احلامنا ضايعه في جوف حاضرنا
بين الظنون وجبال الياس وسهولـه
الخوف يجثم على سجّة مشاعرنـا
غصبٍ علينا تضيق النفس بحموله
ياليت للحـب جنحـان وتطيرنـا
الى ربـوعٍ بهـا الالام مدمولـه
عين الجوى وين ما رحنا تناظرنـا
ولوين مـا نتّجـه بيبـان مقفولـه