اقتباس من مشاركة عبدالهادي بن صبح
أنا صويب الهوى لوكان مالي طبيب=وأنا طريح العذاب وراضيٍ بالعذاب
ياللي لك الشوق يدفعني وأنا مستجيب=وأعيش يومي معك فوق القمر والسحاب
يكفيك أنك معي أول وتالي حبيب=ويكفيني أني معك بين الرضا والعتاب
مالوم نور القمر من طلتك لو يغيب=ومالوم عينٍ تبي شوفتك بعد الغياب
ياليت راسي على ذكرى غرامك يشيب=وياليت رجلي على دارك تعود شباب
أنت الغلا والموده والصواب العطيب=وأنت الذي منك راسي تحت روس الحراب
يارب ترميبك الدنيا وتصبح قريب=وتشوف روحي عل دربك تدوس الصعاب
يمكن جروحي بعد قربك وجعها يطيب=ويصير جسر المحبه فاتحٍ لي باب
يشفع لك أنك معي أول وتالي حبيب=وفالحب كافر بغيرك كفر مايستتاب
|
عبدالهادي بن صبح صح لسانك
شاعر عملاق وغني عن التعريف
وشهادتي فيك مجروحه يابن العم
قصيدة غزليه نادره ولو قلت أبياتها
فمحتواها كثير وياقل من يكتب بنفس مستواك
وفقك الله