[سعد بن عادي]

قفلت باب الرجوع // وجعلها خيـره

مادام نفس الرضا // تبغى كرامتهـا

... هي تجربة وقت // مركوزه مساميره

والناس الاجناس // مفروقه بخامتها

ناسٍ على الطيب دايم عطرت السيره

في جور الايام // تظهر لك شهامتها

وناسٍ تبيع الوفاء // بأزهد دنانيـره

وتخون معنى الجمايل // من رخامتها

وناسٍ على الكذب طقت طبله وزيـره

وبقلوبها السود // ضاعت في غمامتها

صدقت يالخال صالح // والزمن حيره

الصدق ميت ونار // الكذب ضامتهـا

مصير ضيم الزمن في خاين الجيـره

لو الصلب تدعي // عـزة زعامتهـا