[عبدالعزيز الخياري]

اعرف نبض الجفا بوجيه عدوانـي

واعرف نبض الغلا في اللي مواليني

والطعنه اللي تجي من صوب صدقاني

اقسى من الطعنه اللي مـن عدوينـي

كم مرتن مات دمعي داخـل اجفانـي

وكم مـرتن اتفـه الاسبـاب تبكينـي

كذاب لو قلت شعري يوم ما شقانـي

احيان يسرق منامي من جفـن عينـي

اكتب قصيدي عشان عيـون خلانـي

ومرات اجامل عشان ارضى محبيني

هذا اعترافـي وانـا مانـي بندمانـي

ممكـن ابصـم..؟ او التوقيـع يكفينـي