**شاعرنا العزيزبما انك من شعراء المحاورة والنبط البارزين حدثنا عن بدايتك الشعرية؟؟
بديت الشعر من صغري وحاورت ابرز الشعار= انا والشعر سيرتنا مشاعر ساكنه بنسان
وما زلت ابتديبه حرف واشعل فيه ضوء النار= احاكي فيه مجد القوم واصادم به الفرسان
**متى أول محاوره لعبتها ومع من لعبت ؟؟
قبل عشرين عام اول محاورتي مع سليمان = سليمان اخو سلمى واعتقد شاعر تعرفونه
**الكابتن المحاورة في السنوات إلا خيره فقدت الكثير من نجومها أمثال صياف الحربي.و فيصل ألرياحي .و نواف العازمي.وغيرهم الكثير هل تعتقد بأن غيابهم أثر على الساحة الشعرية في المنتدى؟؟!
كل ما غاب نجم يبين بعد نجوم = ونجم يحسب لمنه غاب والا ظهر
لكن ان كان تبغا طيبات العلوم = فيه نجمٍ ليا من غاب طاح المطر
**ضيفاً العزيز شاعرتتمنى اللعب معه ؟؟!
كل شاعر يعرف اللعب وحزامه جويد = ودي اخذ معه واعطيه من مد البحر
واجد اللي فالملاعب يفيد ويستفيد= وياكثر من يدحم القوم في بطن وظهر
**الكابتن لماذا الكثير من شعراء المحاورة يتهربون من توضيح المعنى ويقولون المعنى ببطن الشاعر؟!
ليا انكشف جوهر المعنى ومضمونه =وشهوله اللعب ياللي تعرف المعنا
رسالة الشعر وسط الظرف مصيونه=وليا نفتح ظرفها راحت مطامعنا
***الكابتن أنت شاركت في احد الأحزاب وأصبحت لك صولات وجولات تشمل أروع المحاورات في الماضي ولأكن اختفت هذه الأيام ما هو السبب ! ؟
انا ماني مع الاحزاب مع حزب الشعر موجود=وحزبٍ غير هذا ما تحركني جماهيره
من يشكك بقدراتي يحدد موعدٍ موعود= ولاينسى يجهز كل قدراته وتعبيره
عصافير الجريد اطير وان هبت هبوب النود= لكن بعض العلوم الها مغازي يالله الخيره
***وألان أنت في أي فريق مسجل ؟وأين موقعك في الفريق ؟؟
انا ماني مع الاحزاب مع حزب الشعر موجود=وحزبٍ غير هذا ما تحركني جماهيره
*** لماذا بعض الشعراء في هذا الموقع تدور بينك وبينهم محاورات من العيار الثقيل ما هو السبب ؟
اعامل كل شخصيه بحجم المستوى المطلوب = وبعض الناس تدفن ما تغير في تعاملها
ترى انزال اللحى في منزلتها سلوب ياهو سلوب= خبول الناس تكبر روسها باللي يجاملها
**الكابتن شبكه عبس مليئة بنجوم شعراء المحاورة من يعجبك منهم وما هو السبب؟!!
كل شاعر يعرف اللعب وحزامه جويد = ودي اخذ معه واعطيه من مد البحر
واجد اللي فالملاعب يفيد ويستفيد= وياكثر من يدحم القوم في بطن وظهر
***ما هو الشاعرالمحاورة الذي تحسب له ألف حساب؟؟
كل شاعر يحتمي الميقاف ما نجهل حسابه = الرجال بقدرها والناس نجهل خاتمتها
*شاعرنا عرف عنك الهجوم في شعر المحاورة؟ لماذا ؟؟؟
من يدور بالمعارك رضى وحبة خشم = المعارك ما بها غير نارٍ تصتلي
*أذا كان خصمك قوي وقد يم؟كيف تتعامل معه ..؟؟؟
انا اعرف الشاعر من اول طواريقه = ان كان عنده خبر والا يباريها
وان صار شاعر قوي ما تصيبني ضيقه= افرح بلقياه واعطي القوس باريها
*أذا كان خصمك ضعيف أو مبتدئ ؟؟كيف تتعامل معه ؟؟؟؟
اشرح له الوضع واقول ابتعد عنها = لا تسومها وانت خالي جيب يالغالي
طعني مدام السلامه معك ضامنها= والحر يفهم عريب الجد والخالي
*شاعرنا بما انك تهمنا فانا رأيك يهمنا ؟؟
يهمك الراي وانا تهمني الفكره = يارب ترزقنا العفو والسلامه
*ما رأيك في منتدى شبكة بني عبس ؟؟؟
يقولون الرسالة تنعرف من مبتدأ العنوان= مدام الاسم عبس المجد في العمدان وركونه
*وما رأيك في المسابقات الشعرية الناجحة التي قامة في المنتدى ؟؟مثل مسابقة الموسم ؟؟ومسابقة تشطير الأبيات ؟؟
من يجتهد يشكر ومسعاه مشكور= الله يبارك له بمشيه ومسعاه
والله ما في المنتدى نقص وقصور= الله يرحم والدي من تبناه
*وما رأيك في محاورة الأسبوع؟؟
فكرةِ تحيي الموروث وتنميه = شرط ما تفقد اشياها الاساسيه
*وما رأيك في فكرة القروبات؟؟؟
كل جمعٍ على وضح النقا محمود= بس انا لي قروب لحال مع ذاتي
لاتقولون مانت مع العرب موجود= مشغلٍ معه كل الوقت حزاتي
*ولماذا لم نشاهدك في قروب الشعراء ؟؟
لاتقولون مانت مع العرب موجود= مشغلٍ معه كل الوقت حزاتي
*ما رأيك لوطرحة فكره(أمسية شعرية )) كل شهر أو كل أسبوع يتفق مع ثلاث أو أربع من الشعراء؟ ثم يلقوا بعض القصائد وها كذا؟؟ ؟
كل شيء يخدم المجتمع يثنى عليه = ثابته هالقاعده واضحٍ مضمونها
*من هو الشاعرالذي تتمنا مقابلته بعد شهر رمضان ؟؟
كل شاعر يعرف اللعب وحزامه جويد = ودي اخذ معه واعطيه من مد البحر
*ماذا تقول إلى الأسماء هذا ؟؟
العمدة؟؟
كل ما كبر الاسم ثقل على راعيه شيله= الله يعينك على شيل الاسم ويديمه
السبع الخلاء؟؟
جر صوتك وان سمعت عواء السباع مجيعه = انطح الغربي وخذ من ما قسملك زاده
صياف؟؟
اسم صياف باقي والعرب يدرون عنه مات = وانا مدري علام الحي شايل جثة الميت
المعزب؟؟
المعزب وش يسوي ليا جاه الضيوف = هو يشب النار والا يذكي حايله
*رسالة توجه إلى الشعر المحاورة ؟؟
الشاعر اللي يدري انه وان قدم قدر ومكان= يدحم كبار القوم وعيونه على نو السحاب
والشاعر اللي قدرته ما تمكنه قلب ولسان = لايشتكي جور الضما ويركض وراى ضوح السراب
** شاعر تقول له استمر وآخر تقول له توقف ! ؟!
لشاعر اللي يدري انه وان قدم قدر ومكان= يدحم كبار القوم وعيونه على نو السحاب
والشاعر اللي قدرته ما تمكنه قلب ولسان = لايشتكي جور الضما ويركض وراى ضوح السراب
- **لماذا اتجاهك وتفاعلك في منتدى المحاورة ؟؟
هنا مكاني وادري اني فيه لي وزن ومكان = وانا ما اقف لي وقفه الا واثق اني قدها
-
***ولماذا لم تتعامل مع كل أقسام المنتدى بنفس درجة التفاعل؟؟؟؟
فرصات وقتي ضيقه وان احصلت خليتها = فالقسم هذا والهوايه تمتلك رجالها
***تعتبر الذكريات من الأشياء التي يصعب على الإنسان نسيانها لذا قبل أن أختم حوارنا هل لديك ضيفنا العزيز صورلازلت تحتفظ بها تريد إن تزودنا بها وما هو سبب الاحتفاظ بها؟؟؟
على ضوء القديم من اتلجديد اشب ضوء النار = اشب من القصيد النار موقد كل تذكاري
عسى الله يذكر ايام الربيع وزهرة النوار = ذكرها الله بكل الخير لامنه طرى الطاري
***الكابتن قبل أن نختم حوارنا الجميل نريدك أن تتحفنا بإحدى قصائدك الجميلة ؟؟
ما ضميت إلا لقاه ولا شربت إلا غيابه = ولا طعني غير سكين المدى بيني وبينه
ولا كتمت إلا السؤال إللي هدب عينه جوابه = ولا عوى ذيب المشاعر غير جوعان لحنينه
وما طوى قلبي هجير الشوق ووجعني صوابه = لين حبل الوصل ودّعته يديني من يدينه
ما ملكت إلا غلاه وما شكيت إلا عذابه = ولا فقدت إلا الملاك إللي منه روحي حزينه
ولا شرهت إلا على هم ٍ وسط قلبي لجابه = ما عليه عتاب مير ظروفي وجاير سنينه
حملتنا ثقل هم البعد واعطتنا ثيابه = وما ذكرت إلا وفـاه ونجله وضحكت جبينه
وما التفت إلا لبارق وسمه وصافي شرابه = وما انجذبت إلا لحمر شفاه ولا نجل عينه
ليت ما سار القدم حتى الحزن ما يفك بابه = والفرح يبقى مقيم وله وسط قلبي مدينه
.......................
***كلمة أخيره بنهاية *
اتمنى من الله ان يبلغنا رمضان ويتقبله منا ويغفر لنا جميعاً , كما اشكرك يابو صالح واتمنى اني وفقت بهذاالحوار.. .... وتقبلوا تحياتي ومع الف سلامه .
ونحنو لا يسعنا إلا أن نشكرك على سعة صدرك وتفرق لنا وقبول دعوتنا ؟؟
وكل عام وانتم بألف خير وتقبل الله منا ومنك صالح الأعمال ....
.
.
والى هنا قد انتهت حلقة لهذا اليوم التي أتمنى من الله إنني قد وفقت بهاو نالت على رضاكم وستحسانكم ...
وانتظروني في حلقه جديدة مع شاعر جديد ..
.
.
.
وسلام عليكم ورحمة الله وبركاته ...