العشرهـ اللي مالها قدر وحسـاب
لابد ما تمحي الليالي أثرهــــــــــا
لافاتحٍ باب ولا قافلٍ بــــــــــــــاب
محيت طاريها وحتى صــورهــــا
وإن كان هانت عشرتي عند الاحباب
لي عزةٍ بالنفس عالي قدرهـــا
لي قلب ياسع ملايين الاصحاب
يكفون عن عشرة وليفٍ دمرها
وبي طيبةٍ اصفى من الشهد إلاذاب
كلٍ شرب منها وكلٍ خبرها
ماهو أنا من بدة الناس منصاب
ياكثر منهو يشتكي من عبرها
يا مستريح البال وشلك بالاتعاب
لا لا تعذب عزتك وتحتقرها
إرفع مقام العز يا وافي الانساب
راع الوفا والجود صعب يعسرها