متى على الله يطرب العمر وياك ؟
متى نعيش أحلامنا في سعاده؟
ومتى عيوني تهتني يوم رؤياك
وأنسى انتظارك والسهر وأجتلاده
ياصاحبي يالعبنو من تجافاك
حبك في قلبي قابلٍ للزياده
أغليك حيل وكل مافيني أغلاك
أنت غلا قلبي وخفقة فؤاده
العين شاطي واصبح القلب مرساك
وموج الغلا فيني تصافق مداده
أنت الوحيد اللي أحبك وأهواك
في داخلي حققت كل الرياده
مالي بغيرك يالغلا غير لاماك
مهما قسا وقتي وزوِد عناده
ومهما منعونا وازرعو دربنا اشواك
تبقى غلا قلبي وتبقى وداده
وتبقى شجوني تنتظر يوم لقياك
هذا منى عمري وغايه مراده
ومتى على الله يطرب العمر وياك
ونشكي عذابن للمحبين عاده
شعر النادرة