[مبارك السوارج]

السلام عليكم ورحمة الله وبركاته اقدم لكم هذه القصيده واتمنى ان تحوز على رضـاكم



[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black""]

يا ورق خل النوح لا تروبع النوح=ارجوك عسا ما انت مني مباحي
سجعك يذكرني وانا القلب مجروح=ضاقت عليه من جميع النواحي
والذاكره ما عودت لي بفروح=الا بهم ٍ للمعاليق جاحي
وانا علي من الهواجيس لافوح=من غيبة البيضه لـ نور الصباحي
شفت الرسوم اللي عذاب ٍ على الروح=يوم الهوا صافي وشربي قراحي
واليوم ما من شوفها لي مصلوح=وقت ٍ عطا العرقوب عني وراحي
ابستخير وباب الارزاق مفتوح=والله ولا منت ايدين ٍ اشحاحي
ودنياك لو فيها وناسات ومزوح=ما من وراها غير دينك فلاحي
كثر التجارب درس واضح ومشروح=والعرف هو والعلم مثل السلاحي
مالك سوا المكتوب بأسمك على اللوح=لو كان صامل قلب والحيل صاحي
الله يعدينا خطر كل مشفوح=ومنت هل المنى سراب الضحاحي
اللي بوقت اللازمه سم ذرنوح=مفطحت عوج السوالف افطاحي
وما قل دل وزبدة الهرج منضوح=وكل ٍ يحاول في ثمرة النجاحي
[/poem]








وسلامتكم محبكـم : مبارك رشيد الـسـوارج

الموضوع الأصلي: يا ورق خل النوح | | الكاتب: مبارك السوارج | | المصدر: شبكة بني عبس