[مسندالعويمري]

[poem=font="simplified arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
تعبت اجامل فرحة العيد وأعيد = ياعيد قلي وين وديت عيدي
ياعيد عيد العيد من غير تعقيد = من قسوتك ياعيد وش تستفيدي
عايدت كل الناس بالعيد ياعيد = وخليتني صايم مافكيت قيدي
امسكت سبع اشهووور بصيام وتزيد = مابل ريقي منك ساع البريدي
شووقي وشرهاتي جمووع ومفاريد = يكثر ضماها كل يووم ويزيدي
قلبي نشف ودمووع عين مواريد = تسقيه حتي بالنهار السعيدي
ومن طوول صدك ياقليل المواعيد = دووب الدما تمشي بمجري وريدي
ملامح الفرحه بخدي تجاعيد = مثل البكا بعد ابتسام الوليدي
تجردت عفوية الوجد تجريد = وشطر الحروف المبهمه من قصيدي
اسنتزف احساسي غصوون وعناقيد = حصاد من كثر الطعوون برصيدي
لله درك ياعذي التناهيد = ولله در القافيه والنشيدي
لبا عيوونك لو من ابعيد لبعيد = بس ارفق بقلبي فديتك ياسيدي
ولا تجيب فيّ العيد ياسيد الغيد = ترا قتيل الشووق ماهوو شهيدي[/poem]


صح السانك يا العميل السري لله درك ياعذي التناهيد = ولله در القافيه والنشيدي