[ابوصالح لرشيدي]

السلام عليكم ورحمة الله وبركاتة ..
اتمنى ان تعجبكم ....

اقتباس من مشاركة الكابتن من مبتدأ الشعر ولهامه وصدق الشعور=سلام مني لكل العالم الملهمه اقرأ الاسامي تحت شعار كل الحضور=وابدا سلامي على الحضار واسلمه

اقتباس من مشاركة البيطار يامرحبا ياهلا من جوف عمق البحور=تأصل لمن هو يسلم دون مانكلمه بعض الأسامي لها حشمه وقيمه ودور=وبعض الأسامي بوسط النوم متحلمه

اقتباس من مشاركة الكابتن دام البقا لا انت لا مجبر ولا انت معسور= واذا جهلها قليل الميز لا تعلمه وبعض السوالف لها طعم وبعضها عطور = وبعض السوالف على كبود العرب مؤلمه

اقتباس من مشاركة البيطار سبحان رب السماء سبحان محي القبور=اللي لها اسنين مثل اسيوفن امثلمه يالكابتن اللي يدورلك هذاك النقور=قصفك وانته سلاحك بيدك امولمه

اقتباس من مشاركة الكابتن ياصاحبي ما يعض إلا العقور الجسور=اللي على خطفت العرقوب متعلمه ما يأكل الميته غير الرخم والنسور=لايدور اعراش في رأس الضبي فهمه

اقتباس من مشاركة البيطار الله واكبر ياكم تطبخ وفارت قدور=لاكن ماينوكل منها ترى امسممه بس المهم انه امحصل عشاء مع فطور=ماهمته صيدته لو كان متهلمه

اقتباس من مشاركة الكابتن بالله قلي عسى ما تشتوون الصقور =ترى لحوم الصقور بشرعنا محرمه الاهبل اللي يطق الضلع حتى يثور = وليا تعب يشهق ويزفر بكل انسمه

اقتباس من مشاركة البيطار ياللي تقول الكلام انته تراك امحصور=مابين غارً ونار ودارك امظلمه هذا الزمن بعض خلق الله يجي له غرور=طيارتك ماتفيدك مبطي امجيمه

اقتباس من مشاركة الكابتن اهل الخشوم الكبار اميزين الظهور=وصلوك من صلب ظهر رجال وإلا احلمه جاوب لا تكذب ولا تظلم ترى الظلم زور =ترى اقشر الخلق من يجحد عروق لحمه

اقتباس من مشاركة البيطار ترى الرحى دارت وتطحن وباقي تدور=وانته بوسط البحر والحوت فاتح فمه العلم وصلك وبه علمً بجوف الصدور=عدل وبدل وحل العقده المبهمه

اقتباس من مشاركة الكابتن الكد فقار الجمل لكن عيا يثور=مدري بخفه حفا وإلا الزهاب اضلمه وش قلت ما اوحيك لن الهرج معك محظور=بس المهم البدن ما جاب غير اجلمه

اقتباس من مشاركة البيطار ريمان لامن دحم في جنب والا بزور=ماهمه اللي بوجهه من وقف يلطمه اقول تصبح على خير وفرح مع سرور=هذا آخر القول ولبيطار خط اقلمه

اقتباس من مشاركة الكابتن والنعم واللي مثل شرواك حي مخبور=يارد على الموت ما يدري عنه يزحمه الله يجيرك من اسباب الزمن والشرر =يالشاعر اللي بقلعة عبس رز اعلمه البيطار الله يعطيك العافيه اللعب معك ممتع واخلاقك عاليه وشعرك جزل شرف اللعب مع مثل شراك طال عمرك صح لسانك وتصبح عاى خير وشكرا لكل من حضر معنا وشارك وشجع شكرا للجميع

الموضوع الأصلي: محاوره مميزه بين (الكابتن&و&البيطار) | | الكاتب: ابوصالح لرشيدي | | المصدر: شبكة بني عبس