ياشين دنيا طبعها اول وتالي ............. ماكل مخلوق سلم من نكدها
من عصر عنتر وابو زيد الهلالي ............. تبني مبانيها وتهدم عمدها
تلقى بها الطيب بعيد المدالي ............. يندم بعقدة واحد من عقدها
تضحك عليها ادوار سود الليالي ..... يشرب كدرها لين يشكي زهدها
شربه عن الجم القراح الزلالي ............. جمت هماج عافها من وردها
لو عاش بين مصلحين الحوالي ........... للازمه نفسه مايدخر جهدها
وبعض العرب تلقاه داله وسالي ........ تملى شليله ثم تعطيه يدها
بخيل ينقص عن مقام الرجالي ......... لو ياجد الحاجة حلف ماوجدها
نفسه دنوعه لو جمع راس مالي ....... يغلب على مدة يمينه حسدها
ياكثر مابالوقت ميل وعدالـــــي ....... ولاكل من شاف البلاوي عمدها
الفضل للخالق عزيز الجلالي ......... معطي من اللي مدة ماقصدها
ومن لايفرق بين مر وحالي ............. تشره وتنقده العرب مانقدها