هذه قصيده كتبها مبروك شريده الخياري في ابن أخيه المرحوم شايم مبارك شريده الخياري
الذي يبلغ من العمر 37 سنه حيث كان في أخر يوم من حياته قد جمع إخوته وأخواته في جمعه
عائليه بمناسبة نجاة ابن أخته من حادث سياره وفي احدى الاستراحات توفي المرحوم شايم
غرقا في احدى المسابح رحمه الله وأسكنه فسيح جناته وإنا لله وإنا إليه راجعون.
تعززمْ للي منامه لحاله ’’’’’’’’’’’’ الي بلاه الأجل والأجل غدااار
الأدمي لاجاء من الله زواله’’’’’’’’ ماقال تو الوقت ورعانه صغاار
مرحوم ياللي ماشي بالرجاله’’’’’ من خلقته ماقيل يشكي منه جاار
عساه للجنه لاجاء مجاله’’’’’’’’ في جنة الفردوس خوي الأبرار
وش عاد لو تبكي هله مع خواله’’’’ ودموعهم فوق الأوجان عباار
والله رب الخلق مرسي جباله’’’’’’ الموت مايخلي على الأرض دياار
يالله ياللي كل حي يسأله’’’’’’’’ تغفر ذنوبه من كبيرات وصغاار
أحذر اللي يفهمون المقالهْ’’’’’’’’’’لاتتركون الخمس نور عن الناار
يابد راعي نعمه من زواله’’’’’’’’وين الشيوخ اللي لهم فعل وأفكاار
كم واحد قبلك يفارق عياله’’’’’’’’’’’فارق عياله هم والاهل والداار
وســــلامتكم ...