لله ابشـكـي (حيـرتـي ) لله رب العالمـيـن
وامد لـه كفـي (دعـا) يالله عفـوك ياجليـل
يامنتهى (الشكـوى) إلـه العابديـن الصابريـني
الله (عونك0فزعتك) همي علـى قلبـي ثقيـل
جتني (رساله) نصّها ياعابره (حـزن وأنيـن)
مع(تجربه)مضمونها فيـه النتايـج والحصيـل
في شكلها الظاهر (غطا) وفالباطن المعنى الدفين
وفي (حبرها) تلميح لايمكن يصيـر المستحيـل
وانا حقيقـه ماعرفـت شلـون ببـدى ياحنيـن
مدري ابديّ كلمتي أو الزم الصمـت الفضيـل
لا جيت ابتكلم لقيـت الوضـع قاسـي مايليـن
وان جيت ابسكت مالقيت علاج للقلـب العليـل
لاكنّ (عزايه) مامعي سلطه ولاعنـدي ضميـن
ولااقدر اميّل ماعدل ولاقـدر اعـدّل مايميـل
ماعندي الاّ (كلمة ٍ) فيهـا العـوارف خابريـن
القاع لاصارت دهـر (يابدو)يازيـن الرحيـل
وخلافها (سلامتـج) والله علـى الدنيـا يعيـن
والصبر عنوانه(فرج) والغيـث لابـده يسيـل
ويامنتهى الشكـوى إلـه الصابريـن العابديـن
لاحارت افكاري ترى مالي سواك انت الدليـل