ليل التجافي
آآه ... من ليل التجافي ... ماأطوله
ليلة العاشق ... ثوانيها ليال
من يقول الشمس باكر مقبله
كل شمسٍ مالها وجهك ....ظلال
بسألك باللي خذى منك الوله
وحطه اف صدري ... واعطاك الجمال
حاكني ... لجل الليالي ...الآوله
آه انا بموت من ذل ... السوآل
هو صحيح انك حبيبي اللي دله
واستوى ... عندك فراقي ... والوصال
كل جرحٍ غير ... جرحك بقبله
وكل ظلم ٍ ...غير ظلمك لي ... عدال
حسايف
التفت ...
وتوها ... توها ما اختفت ...
ماكساها الليل ... باللون الحزين ...
التفت ... وتعالت صرخته ...
في نظرته ...
صاح ... لكن بالنظر ...
وانكسر .... شوفه عثر ...
حسايف .. تذبل الضحكه وهى بين الشفايف ..
تذبل الفرحه وتضيع ...
ويصبح الكون الوسيع ...
مايكفي خطوتين .. لاكساه الليل بااللون الحزين ..
يوم مدلها يده ..
كانت الرجفه لقا ..
ودعت فيها الشقا ..
وتركت بين الاصابع ..
عطــرهــا ..
وعمرها ... عمرها ماجت على وقت الوعد ..
إلا ذاك اليوم ..
وعمرها .. مابكت .. وماضحكت ..
ماحكت له .. واسكتت
مثل ذاك اليوم ..
كانت اجمل من خياله .. كانت انظر ..
كانت اكثر .. من أماني عمره الظامي حنين ..
واختفت .. من كساها الليل باللون الحزين ..
اختفت في الطريق اللي معه..
كانت تجيه ..
كيف دربٍ جمعه معها .. خذاه..
ليتها اختارت سواه..
تزرع الفرقا لياليها .. عليه ..
وحسايف ... حسايف
إرفع جروحك
إرفع جروحك عن وصال الخناجر
نزفك عزيز ومثلك النجم لاطاح
ولاتنحني للريح والذّل فاجر
والخوف ساس الذل والغبن ذبّاح
مادام لك عن خفضة الهام زاجر
إمّا إنكسر ولا تعدّاك الارياح
مانته بعشبٍ نابتٍ وسط حاجر
ولا إنت بشراع التيه والوقت ملاّح
إنت الّذي باسمك تضيق الحناجر
لو إنطقوا بك همس سمعوا بك صياح
تقفي وكن الحرف للحرف هاجر
وتقبل وقلب الصخر بالشعر بوّاح
ولا من رمى صبحك عباة الدياجر
ثم إنتهى ظماه شع بالنور مصباح
إرفع جروحك عن تراب الخناجر
نزفك عزيز ومثلك النجم لاطاح
وأنشالله انها اعجبتكم ولكم مني جزيل الشكر