..
جديد : حصري
(1)
ياهل العقول .. اقول ؟؟ ولاّ مايحتاج=ماودي ادخل في(عيون الزمن) عرض
ياما ابتكرت لمدخل البيت مخراج= كن القصيد .. الى كتبته يـــقــول إرض
في صمتي مسبب لخلق الله ازعاج=وفي صوتي افرض.. قدرتي بالشعر.. فرض
اشطح واهذري ..وامكن الصبح بسراج= واكتب و اخاف من الله بـ(حزة العرض)
مع كل بحر .. يزيد تصفيق الامواج = والحمد لله .. عـــد مايــــــــــذّن الفرض
وان مابنى حرفي على الغيمة (ابراج) =افلت يدّي من السما... واقضب الارض
..
(2)
.....
الشعر - ماهو صياح وصجة ولجة =ولاهو بفطرة على الدين .. وعلى الملة
وانا : احساس القصيد و(شاعر الحجة)=وهذا تصنع احساس ..وذاك فاطن له
وهذا الى صفقوا له (طار بالعجة) =وهذا رفع كل صوته واختفى كلة
امشي على صح واعرف وين متوجه=ونحو السما ابخص طريقي زين وادّلّه
والى كتبت ابتكر واتعب على السجة=واقرا من الشعر اصولة واقدر اوصل له
الله يغربل ابليس الحرف ويرجة= قبل يغمز لي ويضحك كنت فاطن له
افخر بنفسي .. واقول الراي و اوجه = وفلان بعض الحكي عن فكرتي خلة
سج الفكر يم حلمك والقدم .. سجة=و ألحق على الحلم قبل يموت .. و تملة