السلام عليكم ورحمة الله وبركاته..
صباااحكم//مساااكم شعر ..
قصيدة خاصة أهديها لمنتدى عبس..
أتمنى انها تنال لو على جزء بسيط من استحسانكم والرضا..
ليلة قصيد وسالفة جرح وفراق..
ومزن الجروح الي تناثر عليَّه.
هم(ن) سطى بالقلب ماعاد ينطاق..
وهم(ن) يتل الروح كالجاذبيّه.
لامرني طيفك كما السيل دفّاق..
ولاحت بروق الذّاكره السّرمديّه.
صحت الفراق وشعل الليل بحراق..
ونّات صدر(ن) مايملّ العطيّه.
تعال وشفني لابسه تاج الاشواق..
حتى غديت بصيتِ هالعامريّه.
تعال وسقي سكرة الموت ترياق..
ورفق بحالٍ سم حال بدويّه.
رِحم المحبه خاضنا اليوم عشاق..
فينا الوفا والود..للنرجسيّه.
ليلة قصيد وهيّضت جرح مشتاق..
وكلن على ليلاه..يِطلق عويّه.
وسلامتكم.. |
تعال وشفني لابسه تاج الاشواق..
حتى غديت بصيتِ هالعامريّه.
اللة عليك أخت كحيله
صح لسانك قصيدة
تنم عن شاعرية
ومشاعر جميلة
كل عام وإنتي بخير ..