[أحاسيس]

تعوّدت بحكم قدري أصف بأول الطابور
ولا أشكي ولآ أفضح خفايا قلبي و سرّه

و لو غاب الجسد يبقى غيابي ما عليه قصور
مهابة سيرتي تشرح ظروف غيابي وعذره


أنا حبّيت لكن ماقدرت اتقن هذاك الدور
مجرد موقف[ن] عابر ولا يازت لي الفكره

عيوني تكتم العبرة و تحفظ همي المستور
و دمعي ما حدر إلاّ لجل ما ينتقص قدره

عزاي اني بعد [جرحي] أزيد مكابري بغرور
وقلبي ما عرف يعشق ولاهو عارفن يكره


كثار اللي تمنّوني و قلبي مدخله محظور
ولا به قلب يستاهلل[ قصيدي يحتوي شعره]

وكل من[ قال انا معجب] لزوم يصف لي بالدور
و إذا أفضى أشوف معاملاته و استمع عذره

أنا ذاك الذي واقف على مطلع بصيص النور
[أنا سنّي صغير] و موقفي سبّاق في أمره

تأكد إني مو فاضي لـحب و فلسفات شعور
إذا في حب يعني يتبعه فرقا بعد بكره


أحــــب امي و ابوي وكل أخواني بهم مغرور
نفاخر في بعض نبهر جموع العالم و أسره

تعوّدت بحكم قدري أصف بأول الطابور
ولا أشكي ولآ أفضح [ خفايا قلبي و سرّه ]