لليل يا بـدر السمـاوات هايـم
وانتي بسريرك والمجاريح سمار
يشكون قسوة عاشقـات الظلايـم
الي لهم في الحب حشمة ومقـدار
ابكي بكى طفـلٍ عليـه التمايـم
ودمع نثرته فوق خديـن مـدرار
وش كان ضرك لو تركتِ النسايم
تاخذني لين اوصل ضفاف الانهار
وارجع وانا بالحب نلـت الغنايـم
بدال مشكي من لهايبـك والنـار
جوالمحبيـن المخلصيـن غايـم
وجوك هجير ماتلطفـه الامطـار
رمش العيون الي على الخد نايـم
عذب خفوق الي تغنى بالاشعـار
غيري تهنى بك وانا فيك صايـم
أمير في دنيـا المعاشيق..جبـار
الـي تسويـه بعيونـك عظايـم
تجزي جزاة الي مجازي سنمـار
شقول غير اني على القلب لايـم
غلطته يوم انه تعشق ولا اختار !!