26-07-2011, 10:05 AM
|
|
قمت أدوّر في كتب سقـراط وأفلاطـون وأسئـل يمكن القى في علـوم الفلسفـه لـي حـل ناجـ
طالعي وقت الغروب وتعرفيـن أشلـون بأرحـل
بس أنا لا مـن رحلـت فمبـدأي مانيـب راجـع
وأن ندمتـي مـن فراقـي ثـم تمنيتـي نكـمـل
أعرفي سنيـن المحبـه والصبـا ماهـي رواجـع
وأن جلستي فالمكـان الـي ورى حشّـات مثفـل
ثم بكيتـي مـن هديـلٍ نـاح بـه ورقٍ سواجـع
يوم ذعذع رايـح الغربـي مـن أحزانـه محمـل
ثم صرختي صرخة الـي زايـده فيـه المواجـع
ثم ذكرتي حـب ناصـر يـوم قـال أنـه بيأفـل
ثم يصير كتـاب حبـه للحـزن مثـل المراجـع
ياحزينـه كـل ورده فالـزمـن لابــد تـذبـل
لكن الي مثل ناصر مـا عـرف طعـم التراجـع
قمت أدوّر في كتب سقـراط وأفلاطـون وأسئـل
يمكن القى في علـوم الفلسفـه لـي حـل ناجـع
عن هوىٍ لا مـن ذكـرت الغـد بعيـون متأمـل
قام من زايد بـلاه يزيـد بـي لـو كنـت هاجـع
لين صرت آهاب نومي وأقضـي اليـل متملمـل
والله إني أزفـر الزفـره ليـا طـرّوا المضاجـع
والله إني ما كتبت الشعر أغني أو ابي منه التواصل
ولا كتبته بالجنـاس ولا قصـدت اكـون ساجـع
ميـر هـمٍ فـي فـوادي والله أنـه مـا تجـمـل
كـل مـا قلنـا يطيـب تزيـد أحزانـه ويـاجـع
بس من قبل المفارق بأسئلـك مـن قبـل لأرحـل
ليه أنـا لامـن رحـت فمبـدأي مانيـب راجـع؟
الشاعر ناصر مطلق البقمي
|