والله ماعلم عن خفاء الوقت ياشوق
والا ني بلا جافـي ولاهـو بـودي
مار المسأل كلها جـت مـن فـوق
وشخص ٍبها جايب وشخص يـودي
ثيران ٍ تحسب الحكي نبت رقـروق
ترعاء الكباير بيـن سبروتصـدي
بين التحسس والتصنت عسى العوق
وجيهـن عسـى تقفايهابثرجـدي
تاكل لحوم الناس وتـروق وتـذوق
وحالاتهم رغـم الفضـول بتـردي
متعـوديـن ٍلنمـايـم ولـلـبـوق
مابين قطع وبين شخـص ٍ يشـدي
واحدهم على الفارغه مهومسبـوق
مغيـر اضيعهـم بمزحـي وجـدي
والا دمي من دم واحساس وعروق
يمكن إلى زاد الغضب بـه يـودي
لمورن تحـده إلـى صارمزهـوق
ويضرب بعبروده بسهـم التحـدي
قلب الحسود الـي معلـق بمعلـوق
عرق(ن)من النبضات شكله مصدي
انتي مكانك داخل القلـب مرمـوق
تمخطـري وسطـه اورحـي وردي
كان الوفاء لهل الوفاء صدق وحقوق
حقك علي ماارخص غلاتك وعـدي
نفسك من اول من غدى داخله طوق
وإن كان بـدك هيـك ذاذوق بـدي
يلوح لحروفك مع غموضك بـروق
وخايلت برقك مـار تقـل متعـدي
تسوقه رياح الولـه بالغـلا سـوق
واضيق بعض أحيان واوقات اهدي
عجزت لعرف عن هدف يمة الشوق
وفـراغ مثلـك حيـزه مايـسـدي