اعتب على اللي يفهمون العتابي
والا الردي لو ضقت ماني براجيه
الصاحب اللي مايداوي صوابي
لو ينجرح في يوم ماني مداويه
الا انت ياللي فاهم ٍ كل مابي
اشره عليك وفاهم ٍ للمشاريه
من القهر والا الزعل لاسطابي
اقرب صديق اليا تضايقت الاقيه
تشوف قدري عند ذولا خرابي
الا انت قدري رافعه ماتوطيه
ياما سألت فلان وابغى الجوابي
عن شكوتي ياخوي سكّر اذانيه
تبيني اسكت .. وانت ترضى عذابي ؟!
لاصرت عارف صاحبك وش حصل فيه
اعتب على اللي يفهمون العتابي
والا الردي ماهو بحاجة مشاريه