مرت ، و قالوا طلعة الشمس من وين ..
و راحت ، و بسمتها تعنون .. شفاها !
( تبسمت و إتصدقت ) .. لـ [ المساكين ] ..
و حسوا بـ بسمة حظ لـ اللي .. لقاها !
هذا كتب في زينها .. ( بيت ) ، ( بيتين ) ..
و هذا رسم لوحة .. و الآخر .. شراها !
هذا و هي بسمة .. و خطت .. عناوين ..
وشلون .. لو قامت عليهم .. ( تباهى ) ؟
هذي .. عوايدها : من سنين و سنين ..
تآمر على قلوب البشر .. و ( تعصاها ) !
الله يخليها .. لـ عيني .. ( نظر عين ) ..
والله يسعد .. ( صبحها مع مساها ) !
( ورده ) .. و غارت من شذاها البساتين ..
انا فدا ( الورده ) .. ( لا ذعذع شذاها ) !