[غربة الروح !!]

يابنت بالك لا يغـرك شياطين
حـذراك لايغـرك كـلام الذيابـه
يقول أحبك و أعشقك موت تدرين
أموت بك ياشوق شـوق الكتابـه
ويقصلك قصة حياة المحبين
يقول أحبـك وانتظـر منـك أجابـه
ويفرشلك الورد الحمر والبساتين
ويعطيك من حلو الكـلام بذرابـه
والله يخسي ولد المطي لا تصدقين
ملعون خايب يخزن السم نابـه
تكفين ثم تكفين يابنـت تكفين
لاتدنسيـن اسمـك ومنهـو وفابـه
أخوك لامنه قعد بالدواوين
يقعـد وراسـه فـوق فـوق السحابـه
يابنت والله سمعتك فوق الاثنين
سمعتك من سمعة عرب لك قرابـه
سمعتك ثم سمعتك تسوى ملايين
ثم سمعتك ثم سمعتـك والمهابـه
وأن قال أحبك أفهمي وش تردين
قولي المحبه بالردى لـي معابـه
وقولي له أهلي بالملاقى سلاطين
ودرب الدنس ياورع محدن مشابه
هذا كلامي وقولي اللي تقولين
(( اللي يبيك يدل بيتـك وبابـه ))
والخاتمه يابنت طعم العسل زين
مير البـلا اليـا دنستـه الذبابـه


انــــــــــآ شهــــــــــــــــــــد صح لسآنه وربي