[غربة الروح !!]

صبحك جواد أبيض .. زهور وعصافير
تفتح شبابيك الهوى للبياضي
صبحك عروس.. ودندنة شدو.. تقدير
ورود تنسج لي فضا من رياضي
صبحك جدايل ..ليلها من أساطير
فزة شعرها له مدى وانتفاضي
نمت وشعرتك ترتجف بالحشا طير
وقمت وشعوري بالهواجيس هاضي
سكر مساك [ وحمرة الورد ] لك غير
والشمع يعطينا شعور افتراضي
أحتاج وصلك ماانتظر منك تقصير
وارضى بحكم اللي على الروح قاضي
تكفى حبيبي نظرة منك ويصير
كل اللذي نبغاه دون إعتراضي
قلبي وقلبك تحتضن بعض وتطير
نرتاح دام إحساسنا صدق راضي
في هالزمن لازم نجي دون تفكير
ولازم نخلّي همنا فعل ماضي
نحيا الغرام بلحظته وأي تبرير
ماينذكر لأهل القلوب المراضي
أحتاج أدوّن لك صباحات من خير
وأملا بحبك خافق كان فاضي
نملا جفون عيوننا بالنواوير
وتفتح شبابيك الهوى للبياضي