استلـطـف جـروحـي ومـــات الـحــب مـــن طـعـنـه دلـــع= واقـســى نـهـايـات الـغــرام الــلــي تـجـيــك مـدلـعــه!!
يــوم انتـفـض جـرحـي عـتـب اتظـاهـر انـــه مـــا سـمــع= مـــدري غـــروره او قـســاه اوطـيــب قـلـبـي شـجـعــه؟!
طـفـل(ن) تـمـرد بالحـشـا ثــم جـــار فـيـنـي ثـــم طـمــع= عـوايــده: (لاشـــاء يـصـنـع شـــئ) بـالـقـلـب صـنـعــه!!
علمـتـه كـيـف انـســاق لـــه شـــوق وصـبـاحـات وولـــع= وعلمـنـي كـيــف الـحــب فـــي وقـتــي غـدالــه اقـنـعـه..
ان جـيــت مـــن اقـصــى مـتـاهـاتـي تـنـاهـيـد وهــلــع= زاد الـجــروح جـــروح .. جـمــر الـهــم فـيـنـي ولــعــه..
وان طـحـت مــن حـزنــي قـــدم عـيـنـه تـعـدانـي ورفـــع= كـفـه.. وصـفـق ثــم نـطـق حـزنـك تـصـدق مــا اروعـــه!!!
فـنــان وابــــدع بنـكـسـاراتـي تــمــادى مــــا قــنــع= اتـصــوروا خـــلا: ((الـمـلـل فـيـنـي يـمــل)) واستـمـتـعـه!!
كـنــه يـقــول بـحـرفـه التـجـريـح غـيــري مـــن بـــرع= اوهــو يـقـول الـظـلـم فـــي ذا الـوقــت شـفـنـي منـبـعـه؟!
ياخافقي ما فادني صبري ولا طيبك نفع=احنا انخلقنا في زمن يرتاحلك لو تخدعه؟!
يعـنـي وفــا! ويــن الـوفـا؟ يـعـنـي غـــلا! يـاخــي شـبــع= وقـتــي مـــن هـمـومــي وانـامـلـيـت دربــــك اتـبـعــه..
تسـوقـنـي لـقـبـري واعـيــش الـمــوت بـحـسـاس(ن) جـمــع= طـيـب(ن) عـمــى وحـلــم(ن) ابـــى لا حـقـقـه او اقـطـعـه!!
تغـريـنـي انـفــاس الـحـيـاه ولانـــي اول مــــن خــضــع= كــم لــي اصـيـح بنـيـتـي والـصــوت مـحــد(ن) يسـمـعـه؟؟
اسمحـلـي ارحــل والـعـزا انــي مــا شـفــت الـلــي فـــزع= كــل(ن) يـقـول: (عـيـن الغـبـي مـاضـرهـا غـيــر اصـبـعـه!!)
اسـمـحـلـي ارحــــل دام وقــتــي لا يــحــن ولا شــفـــع= لشـخـص عـابــر مـــن كـثــر مـــادل دربـــه ضـيـعـه!!
( كــم قـلـت لــك مــا يكـسـر الـرجـال غـيـر طـعـن الـدلـع= وانــا انكـسـر حـلـمـي وكـبــري يـــوم جـتـنـي مـدلـعـه!!)