[غربة الروح !!]

تقفي وعمري في يدينك تعده
واقبل مثل حسبة عمر ماله احساب
احيان نجهل والسبب من نوده
واحيان ندري والعذر ماله اسباب
مالله جمع ودٍ على غير وده
الطبع يغلب لكن الولف غلاب
دمعٍ بكاني وسط قلبي مرده
وجهٍ ضحك لي ماترك غير الانياب
منه اخذ احساسي واعوّد وارده
ماقلت وش ودى ولاقلت وش جاب
القلب لو انه لغيرك بحده
ماتل غير الجرح من كف مخلاب
والصوت نبرات الليالي تشده
ارخي سدوله للسهر قلب واحباب
كلٍ على طوله لبس جرح قده
وانا تلّبست الزمن جرح واثياب