ياوارديـن العـد كفـو المغاريـف
.......اللـي بقـى دمـعٍ همـاجٍ ذريفـه
والله لودمـي يغيـث الملاهـيـف
.......قطعت عرقه ليـن يصفـي نزيفـه
لا والله الا غـاديٍ وقـت مخـيـف
........كـلٍ ورى بابـه يسـوي رغيفـه
أحدٍ سقاه الوسم ثـم عقبـه ريـف
.......و أحدٍ مغير البـرق يشبـح رفيفـه
وأحدٍ يجي له كل شيٍ على الكيـف
.......و أحـدٍ ردى حظـه دوامٍ حليـفـه
دنيا لها صرفٍ وللوقـت تصريـف
.....واللي يبي حقه رضـى باالنصيفـه
ترى الفتى لا من رضت نفسه الحيف
...لاهـوب لا حـيٍ ولاهـوب جيفـه
يا حظ من لاعرف منهـو ولاشيـف
......ان طاب يحمـد وان تـردى بكيفـه
ياسامعين القـول للقـول تحريـف
.........باالهون يااللـي ناويـن بتحريفـه