سعد الشقل
راحت علومك يالجحش طاش ما طاش=هـذا زمـان البهـذلـه والعجـايـب
الجحش
هذا العميد اخصامه بقسم الانعاااش=لـو أردفـت كبـر الجبـاال المصائـب
يوم الردي لاعسعس الليل ينحاااش=وأنـا اتـصـدى للـوغـى والحـرائـب
سعد الشقل
تبغى تصير اليوم يالجحش مطراش=من بعد شيلك للحمول الصعايـب
بكره يبين كل حاجـه يـا منقـاش=مالي ومـال المشكلـه والنشايـب
الجحش
من مايشيل الحمل يفرش له فراش=يقعد مع العجزى وبعـض الحبائـب
اصمد تراها ولعت ضرب وهواش=لاتشبهـا وتهـج وانــت السبـائـب
سعد الشقل
موضه جديده تاكل اليـوم فشفـاش=الجحش مدهش صار ثامن عجايـب
من ماصمل في موقفه انسان محراش=والله يعنيـك لـو تهـب الهبـايـب
الجحش
مادام انا ويـاك ناكـل ونعتـااش=متقاسمين الزاد ماهـي طلائـب
الوضع مايحتاج مدفع ورشاش=والقاف مهما كان ماهوبشايـب
سعد الشقل
انته جحش يعني بسرعه وتنحـاش=لو ننصحه بالعلـم ماهـو بتايـب
الجحش قام ايراوغ ويصير غشاش=مايدري ان قدمه رجال الحرايـب
الجحش
سريت بيت الشعر وأصبحت بكاااش=واقفا مدير البنك مع درب نائب
اعطيتكم تقصيد واعطيتكم كاااش=والموهبه ياهل المواهب وهائب
*/*/**/*/*/*/*/*/*/*/*/*/*/*/*
وهذي الجحش × سعد الفلاح
سعد الفلاح
أشوف راسك كنه أبيض من الشاش=مدري غضب ولا من الوقت شايب
انته اتهرج مير هرجك غدى ماش=لولاحت الليلـه بـروق وسحايـب
الجحش
الـراس مـن صكـاات الايـام مأنـداش=يوم ان بعض الرؤس تحت النصائـب
هرجي يشوق وينعش الفاهم انعاااش=سخـط علـى الاقصـى وعـز القرائـب
سعد الفلاح
خوفي يجي يوم(ن)تناقز على هاش=ومن بعدها تصبح من القوم عايب
ماني على بعض السواليف نبـاش=خلك على جال الفطس والخرايـب
الجحش
لاتخاف جمرالنـار حامـي ولاينـاش=ومن ناش جمر النار يصلى اللهائب
نبّش ودردش ياصحيبـي تـدردااش=لاتضـن سـؤّ يعـوّد الضـن خـااايـب
سعد الفلاح
أظاهر أنك تالي الوقت خشخاش=والمشكله أمن الزمن منت تايب
معاد ينفع لو أنبشـك تنحـاش=معاد ينفع غير أصف الكتايب
للعلم ان هذي المحاوره كانت بوقت واحد