[مساعد الشويلع]

لا تعتذر ذي غلطتي ليش حبيتـك

الله ولا حبٍ على الـذل يحدانـي

خيبت ظني فيك يامـا ترجيتـك

حطمت قلبي حسبك الله يا الجانـي

احسبك لامن جيت تفرش لنا بيتك

واليوم اشوفك صار همك تحدانـي

كم غالي ضحيت برضاه وارضيتك

وسهرت لك ترتاح في نومك الهاني

ياما احتملت اللوم دونك وداريتك

حتى خطاك ارفاه واسترك بردانـي

رفعت عند الناس لجل الهوى صيتك

خلدت يالمغمور ذكرك بالالحانـي

ومنين مالقيـت وجهـي تمنيتـك

واحسبك مثلي في غيابي تتمنانـي