أمرك على الراس واللي ترغبه سوه
لو أنت بالصد والهجران تكوينـي
قلبي ملكته ماهو برضـاي بالقـوه
ياساكن(ن)في غلاك القلب والعيني
هاذي رقبتي وحبل المشنقـه لـوه
أفداك روحي ومالـي لـو تخلينـي
قلبي حلالك وفي نار الغـلا كـوه
وأبا أنتظر لين منك العفـو ياتينـي
في أحبك أبقا سجينآ ماصفا جـوه
لاتساعد الوقت وتزيد العنى فينـي
طالبك حبل الزعل ياصاحبي طـوه
فرحت بك عقب كان الصد طاويني
يومين كانت معك بالوصل محلـوه
واليوم صديت مثلك قبل جافينـي
وخليت قلب العنى يرجع على سؤه
لو أنت من قلب يالمحبوب تغلينـي
قبلت هرجي لو أنه يطلع أمشـوه
لكن عرفي معك ماهـو باذلحينـي
وغلاك ماهو باقلبي ساكن(ن)تـوه
غلاك ياصاحبي بالقلـب عامينـي
يجري مع الدم باعروق الجسم جوه
دامك بزينك عن الخفرات مغوينـي
اجرح بقلبي ومن بحـر العنـى روه
يابو جديلين طويل وكامل الزينـي
والخد برق السحاب اللي شبك نوه