عبدالباري
الخياري كل ماشاف الجحش.. ضيـع طريقـه=والجحش لامر من عند الخياري.. هـز رأسـه
الصديق اللي مايدري وش عدوه ..من صديقه=كل يوم وصاحبه ماسـك علـى بيتـه.. حراسـه
عبدالعزيز
انت حبيت الجحش واصبحت كابتن في فريقه=بست راسه لين جا نفسيتك هيض وحماسـه
من لايعرف وش عدوه من صديقه مانطيقـه=وانت خله بالخلا الخالي يسولف بالسياسـه
عبدالباري
أنت من بغض الجحش قلبك غدا مثل الحريقه=مار ماني ناشدك عـن ثوبـك ولابغـى مقاسـه
الحقيقـة ماتبيهـا مــار أبــا أقــول الحقيـقـه=نوب رجالٍ سـروق ونـوب تمشـي بالبلاسـه
عبدالعزيز
شفتك تحبه و نفسك في بحر حبه غريقـه=الله يهنيك فيه اشرب معه والبـس لباسـه
ليش صدرك باول المشوار صاير فيه ضيقه=كلمة البهتان مايفلح بهـا راع الخساسـه
عبدالباري
أنت لولا هالجحش .ماخذت عندي لو دقيقـه=ماحمى الحطاب من شر الحونشي غير فاسه
ماتضايقـنـا وأعـنـة خيـلـنـا تـلـعـب طلـيـقـه=ولاظلمـنـا واحـــدٍ عـلــم زمـيـلـه بـالـدراسـه
عبدالعزيز
الجحش سافر معك مير انتبه له يـا شقيقـه=طول عمرك وانت تضحك معه واوقاتك وناسه
ياولد عبدالعزيز أنا تـرى علومـي وثيقـه=كل ما اقوله صحيح ولا يجي فيـه التباسـه
عبدالباري
مانت كاسب بالتجاره في مثل تيك الطريقه=مار ريح حالتك مـن كثـر تدويـج العساسـه
مانخدعنـا بالمظاهـر والسوالـيـف الرقيـقـه=الحياه اسقت عميلك من سواق المـر كاسـه
عبدالعزيز
الغرور ايطيّر المقرود لين انه يعيقه=الله اكبر يافقيه مغرره فكره و ناسه