[الزعيم..]

لا.. لا تغرك بسمتي يا اريش العين


بعض الملامح ماتفسر خفاياي


لا تحسبين القلب والعين سالين


ولا تحسبين ليا تبسمت برضاي ..!


يمكن .. اداري دمعتك خوف تدرين


والا اعكر صفوك اليوم .. ويّاي


والا.. تراني خايف انّك تملّين


منّي .. ومن قصّة عذابي ..وذكراي


اوّآه.. لو بس عن عذابي تعرفين


ماكان لمتيني على حر مبكاي


حبست دمعاتي ..وخوفي لك تبين


واخفيت ضيقي والهواجيس بحشاي


مثل الورق عليها بعض العناوين


تغرك ليا ماقريتيه يامناي


بالمختصر ماودي اطيل يازين


وابغا اوضح لك مرادي ومغزاي


ودي .. اضمك .. وابكي بحضنك الحين


واشرح لك الخافي ولوعات دنياي