[الزعيم..]

جيتك سؤال بصفحة الليل عنوان = ودي أعرف من التعب وش بقالي ؟


جيتك ملامح حزن في وجه الأزمان = يرسم تجاعيد الالم في سؤالي


جيتك شرارة شوق من وسط بركان = لك ذوبت تالي جليد احتمالي


جيتك قصيده حبرها دم شريان = طغت على كل الحروف ابخيالي


جيتك دفعني للقا حلم عطشان = قسوة هجير الوقت تعصف بحالي


جيتك غريب ويرتجي حضن الاوطان = رغم الزعل مليت عنك ارتحالي


يا غيث عمري امطري الحب هتان = مدي يدينك للحياة وتعالي


الصمت فيني فجره طول حرمان = لو ان صبري ما أشتكا من الليالي


ودي أميز فيك هي قوة انسان = والا دوافع شر تنوي اغتيالي