مـدام الـرد بعيـونـك دمــوع فـكـل تأخـيـره
ثقـل دم العـذر والا كسـح وجـه الخطـا تبريـر
مدامـك عارفـه طبعـي أجـل وشو لـه الحـيـره
ترى ماجيت لجـل اسمـع سواليفـك عـن التقصيـر
أعرف ان الخطـا منـي بـلاش نعيـد هالسيـره
انـا وانتـي بهالدنيـا تحملـنـا بعضـنـا كثـيـر
تعوّدتـي علـى عنـادي ، وصـرت آحـب هالغيـره
انا وانتـي حكايتنـا مثـل : صـدر السمـا والطيـر
كثيـر اللـي يطالعهـا ،، ولحـدٍ طالـهـا غـيـره
انا وانتي حكايتنـا .. مثـل لعبـه ، وطفـل صغيـر
مـع انـه دوم يهملهـا رفـض يسمح بهـا لغـيـره
انا وانتي .. وش اوصف لك ؟ عجز عن وصفنـا تعبيـر
مثل مدري مثل وشو ولكـن صعـب تصويـره
انا وانتي بلاش انتي أنـا لـو بفقـدك شيصيـر
عليـم الله لـو ماانتـي فـلا طبيـت هالديـره
أحبك ؟ ايه أحبـك .. ذي بعـد يبغالهـا تفكيـر ؟؟؟
يخلـف الله علـى عقـلٍ ملكتـي كـل تفكيـره ...!!
تعالي .. نحترم شيبة غلانا .. لعنبو التصويـر!!
تعالـي نغتنـم فرصـة لقـانـا دامـهـا قصيـيـره
ومساء اللي تبين انتي .. على قولك صباح الخير
أنـا كـل يـوم بتأخـر .. اذا فـي دمعتـك خـيـره
__________________