ليل المحب يلحقه مع نهاره = يقول فالثنتين جمعة ولايف
"=
"=
ان ماسمع صوته تعنى وزاره = لو كان من اجله مغامر وخايف
"=
"=
وحنا بعصر العولمه والحضاره =خلا ثقيلات العوائق خفايف
"=
"=
ارجوك وفر كل عذر وعباره =اللي تقوله شي تافه وهايف
"=
"=
ياكثر ماطوفت تاره وتاره = وانا ترى داري وسامع وشايف
"=
"=
في مطارد المقفين هم وخساره =واللي يبيك يجيك .لو..به.. كلايف
"=
"=
صدق المشاعر مرتبتها الصداره=يبقى الصحيح وينكشف كل زايف
"=
"=
وبيت الوفا ساسه يثبت جداره=ماينبنى من فوق جرفٍ مهايف
"=
"=
جتنا الحيل والمصلحه والعياره= كثرت علينا من جميع الوصايف
"=
"=
وكسبت مع كثر التجارب شطاره=واقول لك فاهم وقانع وعايف
"=
"=
مثل السفير اللي يدير السفاره=يضفي على جو السياسه طرايف
"=
"=
وأحيان قايد حرب وشن غاره=شجاعة اليامي وتكتيك نايف
|