جمعان بن خلف × ناصر بن صويان
قصائد كبيرة ، وقصائد رهيبه وقصائد مميزة وقصائد رائعة
خرجت من شاعرين كبيرين قديرين لا يستغرب الجزالة منهما
:::: مساجله شعريه كبيرة بين ::::
جمعان بن خلف المظيبري الرشيدي و ناصر صويان الشويلعي الرشيدي
ــــــــــــــــــــــــــــــــــــــــــــــــــ
قال جمعان بن خلف :
تكفى ياناصر إليا سافرت خذني معاك=مليت من شوفت الحارة وبعض الوجيه
ناسن تقل في عزاء هذا يحش بهذاك=في مجلس الخمة اللي خاسرن من يجيه
تعبت ادرو على من لا دعيته دعاك=رجلن يصافحك طيبه مع مصافح يديه
شرواك يالوافي اللي يوم ربي عطاك=اكرمك بالطيب والكف الكريم النزيه
مني عليك السلام وما كتبته نصاك=وإن كان قصر خويك ليه تشره عليه
أنت اتخبر صاحبك عايش وفيه ارتباك=من بين ناكر جميل وبين خبل وسفيه
قال ناصر بن صويان :
حياك يالوافي اللي ما جهلنا وفاك=اسمع كلامي وركز وافهمه يا نبيه
اكتم جروحك بصدرك لا تفرح اعداك=وتصير مثل الهدف ما بين ذاك وهذيه
وإن كان وقتك على بعض المجالس حداك=الرجل عن ساقط الكلمة يسكر ذنيه
وانته مجرب كثير البينه متخفاك=واللي يجيك بمحلك واجب انك تجيه
جتك الرساله عسى كل المخبل فداك=والضيق والهم لغير الله لا تشتكيه
آخر تعديل بواسطة عقيد المدرهمات ، 24-06-2011 الساعة 02:48 AM.
| توقيع عقيد المدرهمات |
|
ن . ن
|
|