السلام عليكم ورحمة الله وبركاته
انقل لكم محاورة الاسبوع الثالث بين الشعراء الكبار
أخو جزعة + قسورة الغاب
واتمنا ان تنال على اعجابكم كما نالت على اعجابي
اخو جزعة
يا سلام الله سلام ٍ مصفى والغشش=ابعد امن الشمس للقاع ويا السمبله
قربولي دلة الكيف والهيل الحبش=دام زان الطرق والليل توه باوله
قسورة الغاب
مرحبا ترحيبة السيل قطاع العطش=يشرب الضامي ويملا من السيل اجحله
اشرب الفنجال من كف صاحب وانتعش=وان صحا راسك حذاري تجيب المشكله
اخو جزعه
البقى مير انتبه دربنا درب ٍ عبش=كم من ضلع ٍ تبا تصعده وتحوله
لا لقيت بدربي الداب وامه والحنش=للافاعي عندي الفاتحه والزلزله
قسورة الغاب
من يخاوي العود في درب وعره يبتلش=كل ما يرقا ارتجه من وراه يسحبله
دابك اللي جيت تقراه صايبه الطرش=مير خذ مني عصا كان ودك تقتله
اخو جزعه
اقرش المقرود لين ان روح منقرش=يوم تتبع جرته في يديك السلسله
جيت ابشتال الجنايز على بيض النعش=والعرب تقرى على قبرهم وتحلله
قسورة الغاب
كيف ترجى واحد ٍ مقتديله في جحش=لا تزاين به ولا بالحمول اتحمله
ديرتك لا مرها صاحي العقل اندوش=العيون امفتحه والعقول مقفله
اخو جزعه
كان ودك تفرق العير عن باق الكدش=حط في خشمه خزام ان بغيت اتجمله
واحد يعشق لقيره والاخر بالكلش=لين روح موتره كل جرف ٍ ياكله
قسورة الغاب
ياخو جزعه كيف ابا عالج جنون الدبش=الدبش لا صار ما فيه حيله سبله
الاوادم يعرفون القصور امن العشش=تعرف ان العشه ام العشيش امفنقله
اخو جزعه
الحرامي دام حصل بجيبه من فتش=ما يعوّد والشوارب عليه مفتله
المنافق له صفاته ولا قال ارتبش=وابن حنبل لا وعدته بوعده حصله
قسورة الغاب
وانت يا عماش منته بعيد ٍ عن عمش=لو تشد اخطاك مع ساقته بتحصله
قالو الكشمير لا بله الغيث انكمش=مير طعني يا طويل الخطا لا تفصله
اخو جزعه
اثر ابن عم الشمالي يسمى بالنخش=لو تبدل ملبسه مذهبه ما بدله
من يجي باسفل شعيب الرشا ثم افترش=عادي اتشوفه مع السيل فوقه ينقله
وهذا رابط موضوع المحاوره
http://www.bani-3abs.net/aa/showthread.php?t=107013