[ناصر خنيفر]

اقتباس من مشاركة الحر النداوي تهجم السبع الضاري ليلة البارحه على ناقة أحد المسلمين جربا وتعشا من سنامها وهي باركه تحتك وتعتمك فالأرض وأنا نهيت السبع قلت يالمباوعي ترى الناقه هاذي جربا مستفرد بها الجرب عن باقي الأبل وباركه ومعقله بعد وتحتك قال يالنداوي لايهمك السبع الضاري عنده مناعه عن الأمراض القاتله من المعروف عن السبع الضاري أنه من الطواغيت تهجم على ناقة الأجواد ولما أكل وشبع من فقار السنام قال أنطح فالك يالحر النداوي وأنا أكفخ بالجنحان وأروح أتعشا أرنب ورجعت ولقت صاحبي السبع بهذه الحاله ياجماعة الخير اللي عنده علاج السبع الأجرب لايخليه يفزع له هههههههههههههه عسى الله يرحمك ياسبع ياسبع الخلا سرحان=مصير العبد وأن طال المدى لله مرجاعه عن الجربا نهيتك وأنت وش حدك على الجربان=وفيافي نجد يشبع من طرفها الذيب في ساعه نبي نطلاك بالجره ونبي نشري لك الأكفان=لوأن فراقك أصعب من عطيب الجرح وأوجاعه بعد موتك ترى الحر النداوي يومي الجنحان=يصيد الصيد ماله لاخشير ولابه طماعه هههههههه

ابشركم السبع بخير وماحصل هو نوع من التخمه الخفيفه وهو الان يترصد لحلال الحر النداوي يبا ياخذ ثراه من الدعايه اللي ركبها عليه الحر النداوي

صحيح العلم لكن لاجرب تخمة بطن مليان= تعشا السبع دون شعور حتى شول اكراعه هههههههههه
وانا شفته ماقول ايقال كنه راويت صملان = يجر من الونين وما كلاه البارحه زاعه
وجبناله دكاترتن عملها تعالج الحيوان= وعلى صدر السبع ولد القدع سمع بسماعه هههههه
وبشرنا الطبيب انه سليم وترمش الاعيان=وقلبه ماعليه خلاف ينبض داخل اضلاعه
وحنا نشكر الله يوم ابا الخليان وضعه زان=ونصيحيه لالقاله عشوتن لايرخي اصباعه