فديت اللي يمر فالبـال فديـت اللـي ناسينـي
فديـت اللـي تمنيتـه .. اشـوفـه دوم اقبـالـي
.
هذاك اللي بغيته دوم ما عاد اليوم يطرينـي
يمر بخاطري لحظـات ولا عنـي ابـد سالـي
.
احبـه حـب معاندنـي ودوم الـدوم مجافينـي
بعـاده يوقـد الاشـواق ويحـرق كـل امـالـي
.
اغليته مـن بـد هالكـون ولا همـه يخاوينـي
انا كلي تحـت امـره ولـو يبعـد بعـد الغالـي
.
اخاف البعد يدمني وعلـى عمـري يشقينـي
ابي قربه ابي قلبـه ابيـه اليـوم لـي لحالـي
.
ابي نظرة عيونه اللـي تسحـر كـل مافينـي
هو الغالي هو امالي وبقلبي مسكنـه عالـي
.
حبيبـي قـرب وصالـك فراقـك لـي يبكيـنـي
حبيبي شوقي يذبحني وبقلبي زادت علالي
.
مناي لو يوم تخليني بين عيونك وتحميني
ابيك تروف لقليبي ابيك لو لحظه تصفالـي
.
فديتك دوم انا اهواك من ايامي الى سنينـي
فديتـك اطلبـك وارجـاك تحقـق ربـع امالـي
.
بغيت ألمس انا يمناك وانته تلمـس يمينـي
وتمسح دمعي اللي .. علـى فرقـاك انسالـي
..للي في باااااااالي..