[سعد بن عادي]

تفضّل يا حبيبي وأدخل بقلبي .. وصكّ البـاب
بسط لك كلّ دقاته .. وجاتك بآخـر أخبـاره

لا تزعل لو تحصّل بين نبضاته بقايا أحبـاب
عطاك الضوء الأخضر تبحثه و تفتّش أسراره

يحبّك .. والعلاقات القديمه فصّ ملـح وذاب
تلاشت .. لا تحاسبني عن الماضي وتذكـاره

على رسلك وأنا شاعر مزاجي والهوى غلاب
ما يتركني في حالي لين أغنّي له على أوتاره

حبيبي لو تكرّم في عيونك سجّـل الإعجـاب
أغازل كحلها تاره .. وأقاوم رمشهـا تـاره

رمتني في بحرها وأن رسيت بساحل الأهداب
غشاني موجهـا والحـب يدفعنـي بتيـاره

يقولون العرب ما للمحبّه والغـرام أسبـاب
وانا أقـول المحبّـه والغـرام أسبابهـا (!!) !