[سعد بن عادي]

عليك الغلا منساب .. يا أمّ الحلا والزين
جمال العذارى بإسمك .. حزامه وتاجه
..
وزينك طبيعي بالمساحيق وش تبغين
ما يحتاج .. للمكياج منتي بمحتاجه
..
كريم الأساس وحمرة الفم وكحل العين
ترا اللي مصنّعها ما يعنيك بإنتاجه
..
خلقك الولي فتنه ومن تحتها خطيّن
يا كثر البنات الليّ عطيتيهن الصاجه !
..
تحيّرت في وصفك وفكّرت أجيك منين
وخفت الحسود يمرّك ويعقد حجاجه
..
نزيهة جناب ولا تسولف بك الواشين
ولا أنتي في سوق القيل والقال دوّاجه
..
أحبك وقلبي ما عطاك المحبّه لين
وقفتي على بابه ورحتي بمزلاجه
..
أدسّ المشاعر عنك وانتي بها تدرين
ومن دونك الدنيا ما تسوى ولا حاجه