[سعد بن عادي]

ياقوم. ياللي تبـرزون العمـاوي
ما ينفع التلميع.. (وجه المشـوّه)
لابد مايومٍ ... تبيـن الدعـاوي
والصبح يمسح ظلمة الليل ضـوّه
ويبين (ياراسي) قصير الخطاوي
اللي سموّي مـا يشابـه سمّـوه
لا شك أنا متبع من الناس غاوي
أعرف طمان الضلع وأعرف علوّه
يكفيني انّي ما دفعـت الرشـاوي
ويكفيني... أنّي مافقدت المـروّه
أعطِ الرجال حقوقهـا بالتسـاوي
ولاني من اللي يجحدون الاخـوّه
وأجاوب اللي فالطويلات عـاوي
وأشوم عن منهـو ذميـمٍ وبـوّه
دايم على الزلّه سريع وشفـاوي
ساسه ردي مدري ردي الربـوّه